Tan soe saeng jasa Nabi
Tan na soe yang laen
Yang ek tandeng sifeut Nabi
Reff : Aleh pakon le ka ruten manusia
Dijeut caci dimaki hina Agama
Rukon Iseulam jinoe tan dihargai
Di peugah dali hana logika
Aleh peu bala keuneuk Tuhan bie
Aleh peu dali geuneuk peunyata
Acie tilek beulisek syi neukalon krie
Trok bak keu Nabi diteu jeut hina
Martabat Rasul leubeh that tinggi
Tuhan Ilahi sabe neujaga
Hana yang kureung bak sidroe Nabi
Tan meusitali aeb ngon ceula
∆
Sangkira hana Nabi geutanyoe
Teuntei alam nyoe tan Tuhan peuna
Saboh riwayat meunan hareutoe
Asai alam nyoe bak nur Saidina
Adak rayek that jasa ditanyoe
Paleng lam Nanggroe peusaho bangsa
Jasa diNabi kon saboh nanggroe
Saboh alam nyoe geutanom jasa
Nabi peuturie Allah sidroe Poe
Geu rheung geutanyoe dari Nuraka
Geubela Ummat di uroe dudoe
Pat leubeh tanyoe deungon sidina
∆
Yoh jaheliyah dilei saboh droe
Jeuheut kon bagoe dum Manusia
Meunyo yang lahe sinyak Cut Putroe
Malee ngon rangoe aeb leupah na
Hudep - hudep aneuk ditanom keudroe
Nabi geutanyoe beudoh teung bela
Tuntut hak hudep keu sinyak Putroe
Diateuh bumoe hak hudep sama
Hudep seutara putra ngon putroe
Lagee neu deuk droe kodrat Manusia
Nyan ileumei HAM Nabi phon pernoe
Trok bak geutanyoe ta pok2 dada
Meunyo yang inong dum dipoh mate
Soe lom peu lahe Ummat Manusia
Meunyo kon Nabi yang tulong dilee
Langgoe meukonde han meutume bangga . . .
Cipta : Tgk. Fakhruddin Al-Yusufi
anabustami.blogspot.com
bustamizi.blogspot.com
bunayyaamzar.blogspot.com
anabustami.blogspot.com
bustamizi.blogspot.com
bunayyaamzar.blogspot.com
